ابي حضنك يدثرني إذا ناديت انا مشتاق
ابي كل لهفه بقلبك تشب الحب بعماقي
ابي ليلة هوى تجمع عيون"موقها حراق
لأجل تسكن وسط قلبي وصدري درعك الواقي
تعال إنسامر النجمه نغني والبدر براق
بلاش نضيع في ليل السنين وتحرق أشواقي
تعال إنعانق الماضي مثل معانق العشاق
مضى عمر الغلا ياحيف قلي وش بعد باقي
ابي وقتك يبعثرني وقلبي يرتعد تواق
أبي بسمة أمل منك تعناق رعشة أحداقي
ابي عينك تسافر بي لأبعد حد بالآفاق
عناق الحب من عينك يهز بشوق خفاقي
ابي شوقك يلملمني ابي نقضي العمر باعناق
تعال أعطيك من قلبي و جدد عهد ميثاقي
شكيت من الغلا القافي كتبتك والنفس بي ضاق
رجيتك تقصر ابعادك دخيل الحرف بوراقي
ابي حضنك يدثرني إذا ناديت انا مشتاق
ورمش العين يحرسني ماعاد اتحمل افراقي
